Убави и радосни вести пристигнуваат од Општата болница во Кавадарци, каде утринава светот го разубавија дури седум новороденчиња – четири машки и три женски бебиња.
Среќната вест предизвика насмевки и позитивни реакции, а медицинскиот персонал уште еднаш беше дел од најубавите животни моменти – доаѓањето на нов живот.
Раѓањето на седум бебиња во едно утро претставува вистински убав настан не само за семејствата кои добија нови членови, туку и за целиот Тиквешки регион.
„Оваа прекрасна вест донесе насмевки и радост, а медицинскиот персонал уште еднаш ја сподели убавината на најсреќните мигови – доаѓањето на нов живот“, се наведува во објавата на Тиквеш Инфо.
Ваквите моменти секогаш носат дополнителна надеж и позитивна енергија, а седумте нови животи претставуваат нов почеток, радост и иднина за нивните семејства.
Кавадарци денес се разбуди со седум причини повеќе за славење.
