Додека цените на летните одмори низ Европа и Медитеранот продолжуваат да растат, една дестинација во регионот се издвојува како најголемо изненадување за 2026 година.
Според анализа на британската платформа TravelSupermarket, бугарскиот регион Бургас е прогласен за најевтина дестинација за летен одмор со „се вклучено“, надминувајќи ја дури и Тунис, кој претходно важеше за најприфатлива опција.
Овој податок, пренесен од повеќе медиуми, предизвика огромен интерес кај туристите од Европа, особено кај семејствата кои бараат квалитетен, но економичен одмор.
Британските туристички експерти посочуваат дека бугарскиот брег на Црното Море станува сè попопуларен поради комбинацијата од ниски цени и богата туристичка понуда.
Во центарот на вниманието е Сончев Брег, најпознатото летувалиште во Бугарија, кое нуди долги песочни плажи, бројни хотели, водни паркови, ресторани и активен ноќен живот.
Според податоците, пакет аранжманите за јуни може да се најдат веќе од околу 290 евра по лице, додека во шпицот на сезоната цените достигнуваат околу 610 евра, што сè уште е значително пониско во споредба со многу други европски дестинации.
Со вакви цени, Бургас и Сончев Брег се позиционираат како едни од најатрактивните и најдостапните туристички избори во Европа за претстојната летна сезона.
…
