ТЕТОВО, 26 мај – Корисниците од повеќе населени места во тетовскиот регион утре, среда 27 мај 2026 година, ќе останат без електрична енергија поради планирани прекини на електро-дистрибутивната мрежа.
Прекините ќе се реализираат со цел изведување на предвидени технички зафати и редовно одржување на мрежата.
Во периодот од 09:00 до 14:00 часот без струја ќе бидат дел од с. Желино, објектите на влез во с. Долно Палчиште, како и делови од с. Челопек – поточно долниот дел од селото покрај каналот на Сува Река и објектите во близина на водната пумпа.
Од 09:30 до 14:00 часот прекин ќе има во дел од с. Фалише кај гробиштата, дел од с. Доброште, како и во дел од с. Калник. Во истиот термин без напојување ќе биде и дел од с. Долно Палчиште.
Во периодот од 09:45 до 14:00 часот струја нема да има во дел од град Тетово, на ул. Ленин, како и во дел од селата Копачин Дол, Стримница, Селце и Лавце.
Од надлежните служби апелираат граѓаните и компаниите од засегнатите подрачја навремено да ги прилагодат своите активности. Се препорачува исклучување на осетливите електрични уреди за време на прекинот за да се избегнат можни оштетувања при повторното вклучување на напонот.
…
