Два од најпрепознатливите фолклорни амбасадори на Балканот, македонскиот национален ансамбл „Танец“ и хрватскиот „Ладо“, ги здружуваат силите во проект што ветува вечер исполнета со традиција, емоција и врвна уметност.
Под наслов „Една ноќ под ѕвездите“, публиката ќе има ретка можност да доживее сценски спој на две богати фолклорни традиции, преточени преку раскошна игра, моќни вокални изведби и автентични музички аранжмани. Станува збор за настан кој не само што ја слави културната разноликост, туку и ја истакнува заедничката уметничка нишка што ги поврзува двата народа.
Концертниот спектакл ќе се реализира на две впечатливи сцени: на 8 јули во амбиентот на Античка Хераклеја во Битола, а потоа на 10 јули во Националната опера и балет во Скопје.
Со повеќе од седум децении постоење, и „Танец“ и „Ладо“ важат за живи чувари на традицијата и културниот идентитет на своите земји, но и за вистински светски промотори на балканското фолклорно наследство.
Интересот за настанот веќе расте, а билетите се достапни преку продажната мрежа на kupikarta.com.
…
