По една сезона што во Милано ја сметаат за пропуштена и без посакуван крај во Лигата на шампионите,Милан започна чистење во своите редови. Раководството реагираше остро: беше распуштен тренерскиот тим предводен од Масимилијано Алегри, а истовремено беа сменети и делови од спортскиот сектор, како јасен сигнал дека клубот влегува во нов циклус без одложување.
Во таква неизвесност, сè повеќе се доведува во прашање иднината на Лука Модриќ, чие заминување од „Сан Сиро“ изгледа сè поверојатно. Италијанските медиуми пренесуваат дека договорната приказна со „росонерите“ се ближи кон крај, а како најгласен во тие шпекулации се појавува новинарот Николо Скира, кој тврди дека хрватскиот ветеран веќе ја гледа завршницата на својата кариера.
Според тие информации, Модриќ размислува по последен пат да го облече дресот на Хрватска на претстојниот Светскиот првенство 2026 во Канада, Мексико и САД, по што би ставил точка на својата играчка приказна веднаш по завршувањето на турнирот. Такво сценарио би значело збогување со професионалниот фудбал само неколку месеци пред неговиот 41-ви роденден.
Кариерата на човекот кој низ годините минуваше низ позајмици во Зрињски Мостар и Интер Запрешиќ, а потоа се издигна до европски врв, одамна е дел од модерната фудбалска историја. Неговата траекторија кулминираше со освојувањето на „Златната топка“ во 2018 година, признание што ретко се гледа надвор од доминацијата на неколку имиња.
Иако во четирите сезони во Тотенхем Хотспур не стигна до трофеј, токму таму се наѕираше играчот кој подоцна ќе стане клучен дел од една од најуспешните екипи во Европа. Следните 13 години ги помина во Реал Мадрид, каде што го обликуваше своето наследство и освои дури шест титули во Лигата на шампионите, плус четири шампионски титули во Шпанија.
…
