Поради утрешните полициски активности на стрелиштето „Бејбунар“ во Охрид, граѓаните се повикуваат на зголемена внимателност и строго почитување на безбедносните мерки. Од 08 часот, припадници на полицијата ќе реализираат вежбовно гаѓање со боева муниција, а целиот простор околу стрелиштето ќе биде под засилено обезбедување.
Пред почетокот на вежбата, полициски екипи ќе извршат детална контрола на теренот и ќе воспостават безбедносен периметар, со цел да се спречи движење на лица во зоните каде што ќе се одвива гаѓањето. На терен ќе биде присутна и медицинска екипа од ЈЗУ „Здравствен дом“ Охрид, која ќе се грижи за евентуална итна интервенција.
Од СВР Охрид апелираат до граѓаните да не ги игнорираат поставените предупредувања и забрани за пристап, како и целосно да ги следат инструкциите на полициските службеници. Особено се предупредуваат рекреативците и лицата кои се движат во близина на стрелиштето да избегнуваат задржување во означените безбедносни зони за време на вежбата.
…
