Полицијата од Надворешната канцеларија за криминалистички работи во Делчево поднела кривична пријава против 60-годишниот В.М. од Делчево, поради сомневање дека сторил кривично дело „предизвикување општа опасност“.
Според истрагата, инцидентот се случил на 7 април 2026 година во месноста „Тафрачко маало“, во атарот на селото Бигла. Таму, пријавениот, како што се наведува, намерно запалил шумска површина, со што предизвикал пожар кој брзо се проширил.
Огнената стихија зафатила земјишта во сопственост на девет различни лица од селото Бигла, при што биле причинети штети на нивните катастарски парцели. Настанот е квалификуван како сериозно загрозување на безбедноста на имотот и природната средина, а против осомничениот е поведена постапка согласно законот.
…
