Тринаесетгодишно момче од кумановското село Черкези го загуби животот во тешка сообраќајна несреќа што се случила синоќа на регионалниот пат Куманово–Скопје.
Според информациите од Министерството за внатрешни работи, несреќата била пријавена на 28 мај околу 21:10 часот. На регионалниот пат во село Черкези дошло до судир помеѓу патничко возило „Мерцедес“ со кумановски регистарски ознаки, управувано од Ф.С. (24) од Куманово, и електричен тротинет управуван од 13-годишен малолетник од селото Черкези.
По несреќата, малолетникот итно бил пренесен во Општата болница во Куманово, но лекарите можеле само да констатираат смрт.
Само десет минути по несреќата, во 21:20 часот, возачот на автомобилот бил лишен од слобода и задржан во Полициската станица Куманово.
На местото на трагедијата увид извршиле јавен обвинител и увидна екипа од СВР Куманово, кои работат на утврдување на сите околности и причините што довеле до несреќата.
Случајот предизвика вознемиреност меѓу жителите на Черкези, а истрагата треба да покаже како дошло до кобниот судир во кој згасна животот на едно 13-годишно дете.
