ОВР Крива Паланка поднесе кривична пријава против И.С.(50) и правно лице од Крива Паланка поради сомнение за сторено кривично дело „узурпација на недвижности“.
Според информациите од полицијата, во периодот од 2021 до 2025 година, првопријавениот како сопственик и управител на правниот субјект, во својство на инвеститор, бесправно зазел делови од три катастарски парцели во државна сопственост со вкупна површина од 518 метри квадратни.
На просторот биле изградени потпорни ѕидови, настрешница, помошен објект и скали, со што било оневозможено користењето на просторот од граѓаните.
Од МВР информираат дека пријавените не обезбедиле потребна техничка документација, а објектите биле наменети за вршење угостителска дејност во корист на правното лице.
Со ваквите дејствија, според полицијата, бил оштетен и државниот буџет.
…
