Дваесет и едногодишен маж со македонско потекло е осуден на 15 години затвор во Австрија поради планирање терористички напад на концерт на Тејлор Свифт во Виена во август 2024 година.
Според пресудата, Беран А. бил прогласен за виновен за повеќе кривични дела поврзани со тероризам, откако истрагата утврдила дека подготвувал напад за време на концертите од турнејата „Ерас“.
Тој бил уапсен непосредно пред првиот од трите распродадени концерти на стадионот „Ернст Хапел“, по информација добиена од американските безбедносни служби. Поради сериозната закана, сите планирани настапи биле откажани.
Обвинителството соопштило дека младиот човек бил радикализиран преку екстремистичка пропаганда на интернет и дека нападот го планирал од идеолошки мотиви, со намера да предизвика голем број жртви меѓу посетителите.
За време на судскиот процес, Беран А. изразил жалење за своите постапки, но судот оценил дека станува збор за исклучително сериозен случај кој бара строга казна.
По откривањето на планот, Тејлор Свифт изјавила дека за заканата дознала додека патувала кон Австрија и нагласила дека бил спречен можен трагичен настан со тешки последици.
…
