Тешка сообраќајна несреќа се случила денеска на магистралниот пат Стража – Кичево, во близина на Трапчин Дол, каде што се судриле три патнички автомобили и едно товарно возило.
Според првичните информации, во несреќата учествувал камион со албански регистарски ознаки, како и патнички возила со унгарски и кичевски таблички. На местото веднаш пристигнале полициски екипи и медицински тимови кои интервенирале по пријавата за сообраќајката.
Засега нема официјални информации за бројот на повредени лица и за тежината на евентуалните повреди.
Поради несреќата, сообраќајот на патниот правец е целосно во прекин, а возилата се пренасочуваат по алтернативни сообраќајници.
Увид на местото вршат полициски службеници, кои треба да ги утврдат причините и околностите под кои дошло до судирот. Повеќе детали се очекуваат во текот на денот.
