Украинските сили извршиле успешен напад со беспилотни летала врз руска воена база во градот Таганрог, при што биле уништени два авиони Ту-142 и еден балистички ракетен систем „Искандер“, тврдат украински воени извори.
BIG: Ukraine claims its FP-1/2 strike drones destroyed two Tu-142 maritime patrol aircraft and an Iskander ballistic missile launcher at Taganrog airfield — roughly 600km inside Russian territory.
The Tu-142 is a naval variant of the Tu-95 strategic bomber, and Taganrog hosts… pic.twitter.com/iO4c0bZcPH
— Clash Report (@clashreport) May 30, 2026
Според командантот на Силите за беспилотни системи Роберт Бровди, познат по прекарот „Маѓар“, нападот бил изведен во текот на ноќта меѓу петокот и саботата од специјализирана единица за длабински удари врз руски воени цели и енергетска инфраструктура.
Ту-142 е далекуметен поморски извидувачки и противподморнички авион што го користи руската морнарица, развиен врз основа на стратешкиот бомбардер Ту-95. Од друга страна, „Искандер“ е оперативно-тактички ракетен систем способен да лансира балистички проектили со дострел до 500 километри и има значајна улога во руските напади врз Украина.
Руските власти потврдија дека Таганрог бил цел на напад со дронови. Гувернерот на Ростовската област, Јуриј Сљусар, соопшти дека по нападот избувнал пожар во резервоар за гориво, нафтен танкер и административна зграда. Според него, две лица биле повредени.
Таганрог е едно од најважните руски пристаништа на Азовското Море и се наоѓа на околу 40 километри од окупираните делови на украинската Доњецка област. Градот во последните месеци често е мета на украински напади со беспилотни летала.
Независна потврда за обемот на штетите и за уништувањето на авионите и ракетниот систем засега нема.
…
