Ескалацијата на воените тензии меѓу САД и Иран повторно ја доведе во прашање стабилноста на стратешкиот поморски правец Ормутскиот теснец, кој се наоѓа во Персискиот Залив и претставува една од најважните светски рути за транспорт на нафта и гас.
Според најновите информации, Ормутски теснец е под зголемен притисок од паралелни безбедносни мерки и воени активности, при што Иран го задржува влијанието врз преминот, додека САД спроведуваат засилени поморски операции со цел да извршат политички и безбедносен притисок врз Техеран.
Во вакви услови, двете страни продолжуваат да тврдат дека дипломатските преговори не се прекинати, иако состојбата на терен останува нестабилна. Клучна точка на несогласување, според дипломатски извори, останува прашањето за иранските залихи на високо збогатен ураниум и механизмите за нивна контрола.
Американскиот претседател Доналд Трамп се консултирал со својот безбедносен тим за следните чекори, но засега нема конечна одлука за евентуално продолжување или заострување на мерките поврзани со блокадата и преговорите.
Поради ограничениот проток на бродови низ теснецот, веќе се чувствуваат последици на глобалните пазари, особено во енергетскиот сектор. Дополнително, нарушувањето на синџирите за снабдување со хемиски ѓубрива предизвикува загриженост за можна светска криза во производството на храна, имајќи предвид дека регионот е еден од клучните светски извозници на овие суровини.
…
