Таткото на Горги Горгиев, тапанарот на ДНК кој трагично го загуби животот во пожарот во дискотеката „Пулс“ во Кочани, откри дека од гробот на неговиот син досега биле извршени дури 14 кражби.
Драги Горгиев преку објава на социјалните мрежи сподели снимка од безбедносна камера поставена на гробиштата во Струмица. На видеото се гледа жена која приоѓа до гробот, зема предмети и си заминува.
„14 кражби на нашиот ангел. Не знам со какво срце и душа некој сè уште краде од гробот на мојот син“, напиша Горгиев на Фејсбук.
Снимката е направена на 31 мај, за време на викендот кога православните верници ја одбележуваа Задушница и масовно ги посетуваа гробиштата.
Горги Горгиев беше една од жртвите во трагичниот пожар во дискотеката „Пулс“ во Кочани, во кој животот го загубија и повеќе членови и соработници на музичката група ДНК.
…
