Фудбалската репрезентација на Македонија загуби со 4:0 од Турција на пријателскиот натпревар во Истанбул, а селекторот Гоце Седлоски по мечот ја презеде целосната одговорност за поразот.
Седлоски истакна дека токму тој ги носи одлуките околу составот и тактиката и дека неуспехот паѓа на негова сметка.
„Честитки до Турција, заслужено нè победија. Ја преземам целосната одговорност бидејќи јас ги поставувам играчите“, изјави селекторот.
Тој додаде дека натпреварот треба да послужи како лекција за тимот, особено во однос на грешките во одбраната и слабата реализација во нападот.
Македонија на овој натпревар беше инфериорна и прими по два гола во двете полувремиња, продолжувајќи ја серијата без постигнат гол под водство на Седлоски.
