Македонскиот народен театар Македонски народен театар на 5 јуни ќе гостува во Дубровник, Хрватска, со претставата „12“, која ќе биде изведена на сцената на Казалиште Марин Држиќ.
Ова гостување доаѓа по успешните настапи на МНТ во Црна Гора и Босна и Херцеговина, каде што театарот беше добро прифатен од публиката во Подгорица и Сараево.
Претставата „12“ е инспирирана од познатото дело „12 Angry Men“ од Реџиналд Роуз, а адаптацијата и режијата се на Синиша Евтимов.
Во претставата настапуваат: Ѓорѓи Јолевски, Гораст Цветковски, Тони Михајловски, Никола Ристовски, Благој Веселинов, Александар Микиќ, Игор Џамбазов, Јордан Симонов, Нино Леви / Сенко Велинов, Дамјан Цветановски / Оливер Митковски, Владо Јовановски и Сашко Коцев.
Од МНТ посочуваат дека „12“ е едно од најгледаните и најактуелни нивни изданија, кое преку силна актерска игра отвора теми како правда, предрасуди, одговорност и човечка совест.
Со ова гостување, Македонскиот народен театар продолжува да ја промовира македонската театарска уметност во регионот и да ја зајакнува културната соработка со значајни театарски сцени во Југоисточна Европа.
…
