Во центарот на Белград утрово се случил тежок крвав инцидент во кој, според српските медиуми, 26-годишен маж усмртил друга личност со секира.
Настанот бил пријавен околу 7 часот наутро, по што полицијата веднаш излегла на терен и затекнала осомничен на самото место, кој не се обидел да побегне.
Според неофицијални информации, тој останал на местото на злосторството и по пристигнувањето на полицијата наводно признал дека го извршил убиството, изјавувајќи: „Го убив со секира“. Потоа бил приведен од страна на полицијата.
На местото на настанот бил извршен увид од форензички екипи, а истражителите прибираат докази и ги утврдуваат околностите под кои се случило убиството, како и можниот мотив и односот меѓу осомничениот и жртвата.
Идентитетот на убиениот маж засега не е соопштен, а истрагата е во тек.
…
