Тринаесетгодишно момче од Кичево се здобило со тешки телесни повреди во сообраќајна несреќа што се случила вчера на улицата „Рудничка“ во Кичево.
Според информациите од Министерството за внатрешни работи, несреќата била пријавена во ОВР Кичево во 11:15 часот. Малолетникот управувал електричен тротинет и удрил во паркирано патничко возило „Опел Астра“ со кичевски регистарски ознаки, сопственост на 47-годишен жител на Кичево.
Во несреќата, 13-годишникот се здобил со тешки телесни повреди, кои биле констатирани во Медицинскиот центар во Кичево.
Увид на местото на настанот извршила увидна екипа од ОВР Кичево, а причините за несреќата се утврдуваат.
…
