Шестгодишно дете загина утрово околу 10:30 часот во пожар што избувнал во куќа во населбата Лауш во Бања Лука, соопштија локалните служби.
Пожарот бил пријавен набргу по избувнувањето, по што на терен интервенирале припадници на противпожарната бригада, итната медицинска помош и полицијата. Според првичните информации, во моментот на пожарот во објектот имало луѓе.
Командантот на Противпожарната и спасувачка бригада на Бања Лука, Мирослав Малиниќ, изјави дека е добиена пријава за пожар во станбен објект со присутни лица и дека интервенцијата е завршена, по што екипите се повлекле од терен.
Причините за пожарот засега не се познати, а надлежните служби најавија истрага.
…
