Денеска во организација на Стопанската комора на Македонија во Скопје се одржува конференцијата „Од диплома до компетенции: новата улога на универзитетите преку поврзување на академијата и економијата“, посветена на унапредување на соработката меѓу високото образование и бизнис секторот со цел подобро усогласување на кадарот со потребите на пазарот на труд.
Настанот има за цел да поттикне дебата за трансформација на високото образование во насока на поголема конкурентност, иновативност и развој на квалитетен човечки капитал.
Конференцијата ја отвораат претседателот на Стопанската комора Бранко Азески и претседателот на Советот за унапредување на високото образование и стратешки истражувања при Комората Марјан Ѓуровски.
Во програмата се предвидени две панел-дискусии со учество на претставници од бизнис и академската заедница, меѓу кои Ристо Јаневски, Виктор Мизо и Андреа Серафимовски.
Од Стопанската комора информираат дека на настанот ќе бидат презентирани предлози и препораки за продлабочување на соработката меѓу универзитетите, компаниите и институциите, како и иницијативи за задржување на младите таленти. Заклучоците од конференцијата ќе бидат доставени до релевантни домашни и меѓународни институции.
…
