Американскиот претседател Доналд Трамп на состанок за енергетика во Белата куќа накратко ги затвори очите и се потпре на столот за време на седницата, што предизвика реакции во дел од американските медиуми.
На состанокот присуствуваа и министерот за внатрешни работи Даг Бургам, министерот за енергетика Крис Рајт и администраторот на Агенцијата за заштита на животната средина Ли Зелдин.
По објавите во медиумите, Белата куќа ги отфрли наводите дека станува збор за замор или несоодветно однесување. Портпаролот Дејвис Ингл изјави дека Трамп е „најенергичниот и најактивниот претседател“ и дека постојано работи за унапредување на државата.
…
