Денес во раните утрински часови, во цивилното пристаниште Констанца во Романија се случи експлозија на морнарички дрон, по што властите извршија итна евакуација на дел од пристаништето. Во инцидентот нема повредени, соопштија надлежните служби.
Романското Министерство за одбрана потврди дека станува збор за воен тип морнарички дрон, сличен на оние што се користат во војната во Украина, додавајќи дека романската армија не поседува вакво оружје. Според првичните информации, уредот се самоуништи по активиран механизам за детонација.
По откривањето на дронот, пристаништето беше веднаш евакуирано, а на терен интервенираа пиротехнички екипи. Властите нагласуваат дека преземените мерки биле превентивни, со цел да се избегне ризик за луѓето и инфраструктурата.
Во меѓувреме, над пристаништето и крајбрежната зона се распоредени воени хеликоптери кои вршат надзор, додека безбедносните служби проверуваат дали има дополнителни закани. Истрагата за случајот е во тек.
…
