СКОПЈЕ – Две возила биле оштетени во пожар што избувнал рано утринава на подрачјето на општина Аеродром во Скопје, информираат од Министерството за внатрешни работи.
Според информациите, на 6 јуни 2026 година во 02:53 часот во СВР Скопје било пријавено дека се запалило паркирано патничко возило „ауди“ со скопски регистарски ознаки, сопственост на 56-годишниот Б.И. од Скопје. Возилото претходно било управувано од 28-годишниот А.И. од Скопје.
Од пожарот било зафатено и уште едно возило од марката „ауди“, сопственост на Г.Т.
На местото интервенирала Бригадата за противпожарна заштита на Град Скопје, која успеала да го локализира и изгасне пожарот. Во инцидентот нема повредени лица.
Увид на местото извршила екипа на СВР Скопје, а се преземаат мерки за утврдување на причините за избувнувањето на пожарот и целосно расчистување на случајот.
…
