На социјалните мрежи се појавија видеа на кои се гледаат урнати згради и причинета голема материјална штета од земјотресот. Сепак, се уште нема целосни информации за обемот на штетите, додека спасувачките служби продолжуваат да ги посетуваат погодените подрачја
Властите ги предупредија жителите на крајбрежните области да се држат подалеку од брегот и да ги следат упатствата, бидејќи опасноста од големи бранови може да трае неколку часа по главниот удар.
Најмалку 15 лица загинаа во силен земјотрес со магнитуда од 7,8 степени што го погоди јужниот дел на Филипините утрово, а спасувачките операции се во тек откако се урнаа неколку згради. Епицентарот на земјотресот беше југозападно од Масим во покраината Сарангани на јужниот остров Минданао, објави Институтот за вулканологија и сеизмологија (Phivolcs). Земјотресот беше силно почувствуван и во градот Генерал Сантос, дом на околу 70.000 жители.
Најмалку 15 лица загинаа, а повеќе од 120 се повредени во јужниот дел на Филипините, според бројките на цивилната заштита. Предупредувања за цунами беа издадени во делови од земјата, но беа повлечени по неколку часа. Земјотресот го погоди островот Минданао, а поради опасноста од големи морски бранови, властите на Филипините и соседна Индонезија издадоа предупредување за цунами.
Германскиот центар за геолошки науки (ГФЗ) објави дека епицентарот на земјотресот бил на длабочина од 10 километри. Првично, јачината на земјотресот е проценета на 8,2, но подоцна е коригирана на 7,8 степени.
На социјалните мрежи се појавија видеа на кои се гледаат урнати згради и причинета голема материјална штета од земјотресот.
Засега нема целосни информации за обемот на штетите, додека спасувачките служби продолжуваат да ги посетуваат погодените подрачја.
Властите ги предупредија жителите на крајбрежните области да се држат подалеку од брегот и да ги следат упатствата, бидејќи опасноста од големи бранови може да трае неколку часа по главниот удар.
Началникот на полицијата на градот Алабела во филипинската покраина Сарангани, изјави дека ова е најсилниот земјотрес што некогаш го почувствувале.
Според него, неколку луѓе се онесвестиле поради силното тресење на земјата што го погодило подрачјето за време на церемонијата на кревање на знамето.
Жителите на градот Манадо во северна Индонезија, исто така, објавија дека земјотресот многу силно е почувствуван во нивната област. Филипините се наоѓаат на таканаречениот Пацифички огнен прстен, област позната по чести земјотреси и вулкански ерупции.
Another video captures the Jollibee building collapse in General Santos, Philippines following powerful earthquake. No word on casualties. https://t.co/LJEVl0qTjC pic.twitter.com/DgixNijwoY
— AZ Intel (@AZ_Intel_) June 8, 2026
Силните земјотреси не се невообичаени во земјата, но експертите предупредуваат дека плитките земјотреси како овој честопати предизвикуваат најголема штета и се сериозна закана за населението.
…
