Полициски службеници од Полициската станица за безбедност на патниот сообраќај Тетово на 7 јуни околу 19 часот го лишиле од слобода А.Р. (41) од тетовското село Добридол, поради основано сомнение дека сторил кривично дело „насилство“.
Според информациите од полицијата, инцидентот се случил на наплатната станица Желино на автопатот Скопје–Тетово, каде што А.Р. физички и со тврд предмет го нападнал Н.Џ. (28) од село Мала Речица.
Нападот бил прекинат од полициски службеници кои биле присутни на местото на настанот, по што осомничениот бил приведен и спроведен во полициска станица.
По целосно документирање на случајот, против А.Р. ќе биде поднесена соодветна пријава.
…
