Неколку сериозни инциденти ги одбележаа изминативе 24 часа во Скопје, при што полицијата интервенирала во случаи на обид за убиство, семејно насилство и сообраќајна несреќа со бегство од местото на настанот.
Најсериозниот случај е регистриран во скопско Шишево, каде според информациите на истражните органи, две лица осомничени како соизвршители пресретнале маж и пукале кон него. Повредениот се здобил со повреда во пределот на главата, а против осомничените е поведена истражна постапка за обид за убиство.
Во населбата Аеродром, 61-годишен маж пријавил дека бил физички нападнат од својата партнерка. Случајот е пријавен во полиција и се работи на негово целосно расчистување.
Во меѓувреме, на булеварот „Партизански одреди“ велосипедист удрил во пешак, по што го напуштил местото на настанот без да им помогне на повредените. Полицијата трага по сторителот и презема мерки за негово пронаоѓање.
