Светското првенство во фудбал во 2026 година сè уште не е започнато, но високите цени на билетите и астрономските суми што ќе треба да се издвојат за освежување на стадионите веќе предизвикуваат незадоволство кај навивачите.
Според пишувањата на списанието „Опен“, фудбалските фанови кои со месеци го планирале патувањето за најголемиот спортски настан во светот, сега се соочуваат со сериозен финансиски товар.
Првите реакции следуваа по пријателскиот натпревар меѓу Англија и Нов Зеланд, одигран на стадионот „Рејмонд Џејмс“ во Флорида. По победата на Англија од 1-0, навивачите кои посакале освежување биле пречекани со ценовен шок.
Голема лименка пиво се продавала за 16,75 долари, додека цената на премиум пивото достигнувала дури 18 долари. Ниту оние кои не консумираат алкохол не поминале подобро, бидејќи шише вода чинело 8,75 долари.
Британскиот весник „The Sun“ објави дека фотографија од ценовникот, споделена од новинарот Мајк Киган на социјалните мрежи, предизвикала лавина од реакции и критики од навивачите, кои сметаат дека турнирот станува сè понедостапен за обичните љубители на фудбалот.
Додека организаторите се подготвуваат за спектаклот што следува следната година, за многумина Светското првенство 2026 би можело да остане настан што ќе го следат од своите домови или локални кафулиња, наместо од трибините на стадионите.
…
