Александар Николоски истакна дека Македонија и Турција продолжуваат да градат силно партнерство засновано на заедничка визија за економски развој и продлабочена регионална соработка.
Во Истанбул, во рамки на македонско-турскиот бизнис форум, Николоски оствари средби со турскиот министер за трговија Ömer Bolat и министерот за транспорт Abdulkadir Uraloğlu.
На средбите биле потврдени заедничките заложби за понатамошно унапредување на економските односи меѓу двете земји, со посебен акцент на зголемување на трговската размена, поттикнување на инвестициите и подобрување на деловната клима за компаниите од двете држави.
Турција е еден од најзначајните економски и трговски партнери на Македонија, а долгогодишните пријателски односи претставуваат основа за натамошно проширување на економската соработка, беше истакнато на состаноците.
…
