ЈКП „Комуналец“ – Прилеп ги информира граѓаните дека во Паркот на револуцијата – Могила се спроведуваат активности за санација и уредување на урбаната опрема.
Како дел од редовното одржување на паркот, извршена е замена на искршените и откорнати дрвени штафни на клупите, а во наредниот период ќе се врши и нивно бојадисување.
Од претпријатието посочуваат дека при реализацијата на овие оперативни активности клупите се прописно обележани, но апелираат до посетителите да бидат внимателни и да ги почитуваат поставените ознаки.
„Комуналец“ – Прилеп упатува благодарност до граѓаните за разбирањето и соработката, со цел Паркот на револуцијата – Могила да остане уреден и безбеден простор за рекреација и одмор на сите посетители.
…
