Градоначалникот на Општина Чаир и копретседател на партијата ВЛЕН, Изет Меџити, пречека во својата канцеларија младите фудбалери на ФК „Албарса“, заедно со нивниот тренер Меритон Бериша, кои се закитија со шампионската титула во Лигата на фудбал на РСМ во категоријата У13.
Тој истакна дека младите спортисти со своите настапи и резултати претставуваат причина за гордост и доказ за континуираниот развој на спортот во Чаир.
Според Меџити, постигнатиот успех е резултат на посветеност, труд и талент на децата, но и на поддршката од тренерите и родителите кои стојат зад нивниот развој.
Тој додаде дека Чаир останува важна средина за развој на млади спортски таленти кои ветуваат успешна иднина во македонскиот фудбал.
…
