Една италијанска туристка го загуби животот, а речиси 1.700 лица беа евакуирани откако голем пожар зафати луксузен хотелски комплекс во познатото летувалиште Бајахибе во Доминиканската Република.
Пожарот избувнал во одморалиштето „Вива Доминикус Бич бај Виндам“, кое се наоѓа на југоисточниот брег на земјата и претставува една од најпосетуваните туристички дестинации на Карибите. Поради опасноста од ширење на огнената стихија, властите организирале итна евакуација на околу 1.690 туристи, кои биле сместени во други хотели и блиски објекти.
Како жртва на несреќата е идентификувана 46-годишната Франческа Валентино од Италија. Според информациите од службите за итна помош, три лица биле пренесени во болница, додека уште шестмина добиле медицинска помош на местото на настанот.
Снимките објавени од локалните медиуми покажуваат густ црн чад и пламени јазици кои го зафатиле покривот на хотелот. Од Центарот за итни операции соопштија дека пожарот брзо се проширил поради лесно запаливите покривни конструкции изработени од палмини листови, како и поради силниот ветер.
По повеќечасовна интервенција на пожарникарските екипи, пожарот е ставен под контрола. Надлежните институции продолжуваат со истрагата за утврдување на причините за неговото избувнување.
Во меѓувреме, соседниот хотелски комплекс „Доминикус Палас“ не претрпел штети и продолжил нормално да функционира.
Доминиканската Република важи за една од најпопуларните туристички дестинации на Карибите, а според официјалните податоци, во првите пет месеци од годинава земјата ја посетиле рекордни 5,6 милиони туристи.
A vacation turned into a nightmare after a massive fire broke out at the Viva Wyndham Dominicus Beach resort in the Dominican Republic.
Nearly 1,700 guests were evacuated as emergency crews rushed to battle the fast-moving blaze. Authorities have confirmed one death, while…
— The Tropixs (@Tropixsofficial) June 20, 2026
…
