Шеесет и тригодишен маж од Скопје е пронајден починат во својот дом на подрачјето на општина Аеродром, информираат од Министерството за внатрешни работи.
Случајот бил пријавен во СВР Скопје, по што на местото излегле полициски службеници и екипа на Итна медицинска помош. Лекар констатирал смрт.
По наредба на јавен обвинител, телото на починатиот К.С. е предадено на Институтот за судска медицина за обдукција, која треба да ги утврди причините за смртта.
Увид на местото извршила увидна екипа на СВР Скопје, а надлежните институции работат на целосно расчистување на случајот.
…
