Кир Стармер поднесе оставка од функцијата премиер на Обединетото Кралство и лидер на Лабуристичката партија, по зголемен внатрешен политички притисок и барања за промена на раководството во пресрет на следните избори.
Во обраќање пред Даунинг стрит 10, тој истакна дека партијата отворено се прашувала дали тој е најсоодветниот лидер за идниот изборен циклус, додавајќи дека „го слушнал одговорот“. Стармер нагласи дека сите негови одлуки на функцијата биле водени од интересите на државата и граѓаните.
Видливо емотивен, тој ѝ се заблагодари на својата сопруга Вик, која ја опиша како негова најголема поддршка, и посочи дека сака да биде посветен татко на своите деца.
Тој најави дека ќе остане на функцијата до изборот на нов лидер во рамки на Лабуристичката партија, а побара процесот да биде завршен пред повторното заседавање на Парламентот во септември.
Како можен наследник се споменува Енди Барнам, кој се очекува да игра клучна улога во претстојната внатрепартиска трка за нов лидер.
…
