Полициски службеници од СВР Тетово вчера попладне лишиле од слобода 12 државјани на Република Бугарија, поради сомнение за прекршување на Законот за странци.
Според информациите од СВР Тетово, приведувањето се случило на 24 јуни 2026 година околу 15:15 часот, во објект во изградба на улица „Тодор Циповски Мерџан“ во Тетово, каде странските државјани работеле.
Станува збор за лица на возраст од 34 до 66 години, кои биле затекнати на локацијата при контрола на полициските службеници.
Приведените се спроведени во Полициската станица Тетово за понатамошна постапка, а против нив ќе бидат поднесени соодветни пријави согласно Законот за странци, информираат од СВР Тетово.
…
