Во близина на ридот Балтепе и Калето над Тетово е снимена мечка со мало мече, во уште една ретка и впечатлива глетка од дивиот свет на Шар Планина.
Снимката, која ја направил тетовчанец, сведочи за богатата и разновидна фауна што ја населува оваа планина, позната како едно од најзначајните природни живеалишта во земјава.
Присуството на мечка со младенче е потсетник дека дивите животни се во своето природно опкружување, поради што се апелира до граѓаните и посетителите на Шар Планина да бидат особено внимателни. Доколку забележат мечка или друго диво животно, не треба да се приближуваат, ниту да се обидуваат да ги вознемируваат, туку безбедно да се оддалечат.
…
