Вечерва, со почеток во 20:30 часот на ХАЈП ТВ, тетовецот Давид Грујевски ќе настапи во големото финале на регионалното музичко шоу „Хајп Ѕвезди“.
Грујевски е еден од 20-те финалисти кои ќе се борат за победата, а на сцената ќе настапи како натпреварувач со реден број 16.
Победникот ќе биде избран со гласовите на публиката. Гледачите кои сакаат да му дадат поддршка на Давид можат да гласаат со испраќање СМС-порака со содржина „HYPE 16“ на бројот 145333. Цената на една порака изнесува 19 денари.
Давид Грујевски во текот на сезоната се истакна со повеќе впечатливи настапи, а во полуфиналето освои 46 поени и го зазеде второто место во генералниот пласман, со што обезбеди место во големото финале.
Финалната вечер започнува во 20:30 часот, а победникот ќе биде познат по завршувањето на гласањето од страна на публиката.
…
