Времето денеска ќе биде променливо облачно со сончеви периоди, но во попладневните часови повторно се очекува дестабилизација на атмосферата. Според прогнозата, на повеќе места ќе има локален пороен дожд, грмежи и засилен ветер.
Метеоролозите предупредуваат дека на одделни подрачја се можни поинтензивни атмосферски процеси, проследени со пороен дожд од над 15 литри на квадратен метар, силен ветер со брзина поголема од 60 километри на час, како и краткотрајно невреме со појава на град.
Утринските температури ќе се движат од 13 до 19 степени, додека дневните ќе достигнат од 22 до 34 степени.
Во Скопје се очекува променливо облачно и нестабилно време со повремени врнежи од дожд, грмежи и засилен ветер. Во одделни делови од котлината е можна појава на пообилен пороен дожд и град. Минималната температура ќе изнесува околу 16 степени, а максималната ќе достигне до 30 степени.
…
