Многу луѓе веруваат дека најголеми непријатели на здравјето се пушењето, шеќерот или нездравата исхрана, но докторот и здравствен едукатор Eric Berg предупредува на уште една секојдневна навика која често се смета за безопасна – постојаното грицкање меѓу оброците.
Според него, токму оваа навика може незабележливо да влијае врз организмот и да придонесе за развој на различни хронични проблеми.
„Никој не ве предупредил за ова“, вели Берг, посочувајќи дека многу луѓе цел живот практикуваат јадење мали количини храна во текот на целиот ден, без да размислуваат за последиците.
Тој смета дека голем број производи во продавниците, како протеински плочки, грицки, чипс и крекери, се направени така што ги поттикнуваат луѓето почесто да посегнуваат по храна.
Зошто грицкањето може да биде проблем?
Според Берг, секој пат кога човек јаде, панкреасот ослободува инсулин – хормон кој помага шеќерот од крвта да влезе во клетките.
Ако човек има три главни оброци во денот без меѓуоброци, нивото на инсулин се зголемува и потоа повторно се намалува меѓу оброците. Но, кога постојано се јаде нешто помеѓу оброците, инсулинот може да остане покачен подолг период.
Лекарот предупредува дека токму постојано високото ниво на инсулин може да придонесе за појава на инсулинска резистенција – состојба која се поврзува со низа здравствени проблеми.
Инсулинската резистенција поврзана со повеќе болести
Според Берг, инсулинската резистенција може да биде поврзана со развој на дијабетес тип 2, срцеви заболувања, замастен црн дроб, синдром на полицистични јајници и одредени видови рак.
Тој додава дека проблемот често се открива дури откако состојбата веќе напредувала, бидејќи многу луѓе не го проверуваат нивото на инсулин навреме.
Научник: Грицките можат да го отежнат слабеењето
Слично мислење има и Krzysztof Czaja, кој смета дека честото јадење меѓу оброците може да го отежни согорувањето на масните наслаги.
Според него, кога човек јаде помалку пати во денот, организмот има повеќе можност да ги користи складираните масти како извор на енергија, наместо постојано да користи нов внес на шеќери.
Иако експертите имаат различни ставови за идеалниот број на оброци во текот на денот, лекарите се согласуваат дека балансираната исхрана, умереноста и вниманието на навиките во исхраната се важни за долгорочно здравје.
…
