Шеесет и тригодишен жител на Тетово пријавил во СВР Тетово кривично дело „издавање чек без покритие и злоупотреба на платежна картичка“, откако забележал неовластени трансакции од банкарската сметка на неговата мајка.
Според информациите од полицијата, пријавата била поднесена на 7 јули 2026 година во 09:30 часот. Како полномошник на својата мајка, тој пријавил дека на 3 јули забележал недостиг на 8.148 денари од нејзината трансакциска сметка.
Според пријавеното, средствата биле повлечени преку седум неовластени онлајн уплати.
Од СВР Тетово информираат дека се преземаат мерки за целосно расчистување на случајот и утврдување на сторителот.
…
