Американскиот претседател Доналд Трамп направи необичен лапсус за време на заедничката прес-конференција со украинскиот претседател Володимир Зеленски на самитот на НАТО, кога наместо Иран ја спомена „Исламската Република Јапонија“.
Одговарајќи на новинарско прашање за можноста американските ракети-пресретнувачи „Патриот“ да се произведуваат во Европа, Трамп зборуваше за конфликтот со Иран, но по грешка изјави:
„Вчера ја раскажав оваа приказна. Кон нас ‘Исламската Република Јапонија’ истрела 111 ракети.“
Според контекстот на неговото обраќање, јасно беше дека мислеше на Иран, а не на Јапонија, која е долгогодишен сојузник на САД.
Во продолжение, Трамп тврдеше дека во рок од еден час биле лансирани 111 ракети кон американскиот носач на авиони „Абрахам Линколн“, при што, според него, сите биле успешно пресретнати. Тој нагласи дека во одбраната не биле користени само системите „Патриот“, туку и друга напредна американска технологија.
Американскиот претседател најави и дека САД ќе им овозможат на сојузничките земји лиценци за производство на ракети-пресретнувачи, оценувајќи дека американската технологија во оваа област е меѓу најнапредните во светот.
Trump: "We had 11 missiles shot by the Islamic Republic of Japan" pic.twitter.com/FUOFLVZiKh
— Aaron Rupar (@atrupar) July 8, 2026
…
