Митрополитот Дебарско-кичевски г. Георгиј на 8 јули 2026 година оствари средба со учесниците на програмата „Birthright Macedonia“, која ја организира Обединетата македонска дијаспора (ОМД).
На средбата, младите Македонци од различни делови на светот ги споделија своите впечатоци од престојот во Македонија, како и искуствата од активностите во рамки на програмата.
Во разговорот биле разгледани нивните очекувања, можностите за продлабочување на врските со Татковината, како и начините за понатамошно зајакнување на соработката меѓу македонската дијаспора и институциите во земјата.
Посебен акцент бил ставен и на улогата на Црквата во поврзувањето на Македонците ширум светот и зачувувањето на духовните, културните и националните вредности.
Програмата „Birthright Macedonia“ има за цел да им овозможи на младите Македонци од дијаспората директно запознавање со историјата, културата и традициите на нивната татковина, како и создавање нови пријателства и трајни врски со Македонија.
