Ловоровиот лист е познат како неизбежен зачин во многу јадења, но неговата употреба не завршува во кујната. Ова ароматично растение може да биде корисно и во домаќинството, особено во борбата против непријатните мириси, влагата и одредени штетници.
Многу луѓе ставаат суви ловорови листови во плакари, кујнски елементи и остави, бидејќи нивниот интензивен мирис може да помогне во одбивањето на инсекти како молци и мравки.
Ловорот содржи природни соединенија, меѓу кои цинеол и еугенол, кои создаваат силен ароматичен мирис. Додека за луѓето тој е пријатен, за некои штетници е непожелен. Поради тоа, неколку листови поставени во ормари, тегли со ориз или брашно може да бидат едноставна природна превенција.
Освен во кујната, ловоровите листови може да се користат и во плакарите за заштита на облеката од текстилни молци, како алтернатива на производи со силни хемикалии и синтетички мириси.
Корисни се и за неутрализирање на непријатните мириси во домот. Неколку листови ставени во чевли преку ноќ можат да помогнат при непријатни мириси и насобрана влага.
За подобар ефект, листовите може лесно да се згмечат пред употреба за да ги ослободат природните масла. Се препорачува да се заменуваат на секои неколку месеци, кога ќе го изгубат карактеристичниот мирис.
Бидејќи е евтин, лесно достапен и природен производ, ловоровиот лист може да биде практично решение за секојдневни проблеми во домот, без употреба на агресивни хемикалии.
