Шест лица учествувале во физичка пресметка на подрачјето на скопската општина Ѓорче Петров, а на инцидентот му претходела сообраќајна незгода.
Како што информираат од Министерството за внатрешни работи, случајот бил пријавен на 10 јули во 18:00 часот во СВР Скопје.
Според полициската пријава, во физичката пресметка, од една страна, учествувале Г.Б. (60), Н.Б. (31) и С.Б. (36), сите од Скопје.
Од другата страна биле О.А. (35), П.А. (23) и Ш.А. (63), сите од скопското село Буковиќ.
Според досега објавените информации, на физичкиот конфликт му претходела сообраќајна незгода, по што ситуацијата ескалирала во пресметка меѓу шесте лица.
Од МВР информираат дека се преземаат мерки за целосно расчистување и документирање на случајот.
По комплетирањето на постапката, ќе следува соодветен поднесок.
