Завршницата на Светското првенство во фудбал предизвика огромен интерес кај навивачите, но и рекордни цени на влезниците за најважните натпревари од турнирот.
До крајот на шампионатот остануваат уште четири пресметки кои ќе го дадат новиот светски шампион или ќе покажат дали Аргентина ќе успее да го одбрани трофејот. Токму борбата за титулата дополнително ја зголеми побарувачката за билети.
За полуфиналните натпревари и големото финале, цените на секундарниот пазар достигнуваат астрономски износи. Билетите од втора категорија се продаваат за околу 7.380 американски долари, додека најатрактивните места покрај теренот надминуваат 30.000 долари.
Во овие суми не се вклучени дополнителните трошоци за патување, сместување и престој во САД, што значи дека посетата на завршницата за многу навивачи претставува огромен финансиски предизвик.
Сепак, високите цени не го намалуваат интересот. Последните четири натпревари на Мундијалот ги носат најголемите фудбалски ѕвезди, огромен влог и можност за освојување на најпосакуваниот трофеј во светскиот фудбал.
…
