Седумдесет и двегодишна жителка на Куманово пријавила во полиција дека била физички нападната од својата 13-годишна внука, која, според пријавата, упатувала закани и кон други членови на семејството.
Од Министерството за внатрешни работи информираат дека случајот бил пријавен на 18 јули околу 21:30 часот во СВР Куманово.
Според информациите, инцидентот се случил во семејниот дом, каде што малолетничката физички ја нападнала својата баба. Дополнително, таа наводно ѝ се заканувала на 72-годишната жена со остар предмет, а закани упатувала и кон останатите членови на семејството.
Од МВР соопштија дека се преземаат сите потребни мерки и активности за целосно расчистување на случајот и утврдување на сите околности поврзани со инцидентот.
