Основното јавно обвинителство Гостивар соопшти дека е во постојана координација со Институтот за јавно здравје, каде што по наредба на јавен обвинител се спроведуваат анализи и испитувања на квалитетот на примероците од водата од гостиварскиот водовод.
Според најавите, резултатите од испитувањата се очекува да бидат готови во текот на утрешниот ден, по што ќе бидат доставени до надлежното обвинителство.
По приемот на анализите, јавниот обвинител ќе донесе одлука за понатамошниот тек на постапката, а за сите преземени активности и евентуални нови информации јавноста ќе биде навремено известена.
Во меѓувреме, по наредба на јавен обвинител, локацијата во Вруток и понатаму останува обезбедена како дел од истрагата што се води за случајот.
