Несекојдневна животна авантура го донесе Холанѓанецот Петер Лоопстра во Охрид, откако со велосипед помина дури 3.700 километри од Холандија до Македонија.
Лоопстра, кој има македонски корени по мајка, тргнал од својот роден град Алфен ан ден Рајн (Alphen aan den Rijn), а по повеќедневно патување низ повеќе европски држави успешно пристигнал во Охрид.
Неговото патување не било само спортски предизвик, туку и лично патување исполнето со емоции и желба да ги запознае корените на своето семејство.
Во разговор за „Охридњуз“, Петер ја раскажува својата несекојдневна авантура, предизвиците со кои се соочувал на патот, како и мотивите што го поттикнале да се впушти во ова долго велосипедско патување.
Тој вели дека секој изминат километар претставувал ново искуство, а пристигнувањето во Охрид за него имало посебно значење бидејќи токму тука се неговите семејни корени по мајчина линија.
Неговата приказна е пример за тоа како љубовта кон спортот, авантурата и семејното наследство можат да се спојат во едно незаборавно патување долго 3.700 километри.
