Поради планирани работи на електродистрибутивната мрежа, утре (22 јули) без електрична енергија ќе останат повеќе населени места и делови од општините Тетово, Брвеница и Теарце.
Според најавата, од 09:00 до 13:00 часот без струја ќе бидат малите хидроелектрани ХПП Бистрица 1, 2 и 3 на подрачјето на Општина Теарце.
Од 09:00 до 14:00 часот прекин во снабдувањето со електрична енергија е најавен за:
- дел од село Брвеница, во близина на Земјоделскиот индустриски комбинат (ЗИК);
- дел од село Палатица, во центарот на селото;
- дел од село Челопек, кај црквата;
- дел од село Брвеница, кај гробиштата.
Во Тетово, од 09:00 до 14:00 часот, без струја ќе останат:
- дел од населбата Пржова Бавча;
- целата населба Вардарска;
- објектите во близина на детската градинка „Тетекс“;
- дел од населбата Станбена.
Воедно, во дел од Тетово околу трафостаницата „Борис Кидрич 3“ е евидентиран и непланиран прекин на електричната енергија поради немање фаза.
Од надлежните апелираат граѓаните навреме да ги планираат своите активности и да имаат предвид дека прекините се поради реализација на планирани работи на електродистрибутивната мрежа.
…
