Поголем пожар избувнал вчера попладне во атарот меѓу селата Пирок и Градец, при што била зафатена поголема површина со жито.
Како што информираат од СВР Тетово, пожарот бил пријавен на 22 јули 2026 година околу 16:30 часот.
Огнената стихија била целосно изгасната благодарение на интервенцијата на екипи од Територијалните противпожарни единици Тетово и Боговиње, како и со помош од локалното население.
По пријавата, увид на местото извршила екипа од СВР Тетово, која ги утврдува причините за настанувањето на пожарот и евентуалната причинета штета.
…
