Дваесет и двегодишен жител на тетовско Брвеница е тешко повреден откако бил удрен од патничко возило, чиј возач го напуштил местото на несреќата.
Како што информираат од полицијата, несреќата била пријавена на 23 јули 2026 година во 08:01 часот во СВР Тетово. Инцидентот се случил во селото Брвеница, кога патничко возило удрило во К.Ј. од истото село, а возачот веднаш го напуштил местото.
Повредениот пешак бил пренесен во Клиничката болница во Тетово, каде што му биле констатирани тешки телесни повреди.
На местото на несреќата излегла увидна екипа од СВР Тетово, а полицијата презема мерки за пронаоѓање на возачот и целосно расчистување на случајот.
